തകരാതിരിക്കട്ടെ!!

 

പെരിയാറിന്റെ കരയിലിരുന്ന്

അമ്മ ചോദിക്കുന്നു;

ചിറ തകര്‍ന്നൊഴുകി

ഒലിച്ചു പോകുമോയെന്ന്!

ഭയപ്പാടിന്റെ നിശ്വാസം

കടലുകള്‍  കടന്ന് വന്ന്

കാതില്‍ തട്ടി വേദനിപ്പിക്കുന്നു!

 

ഇടയ്ക്കിടെ വിറയ്ക്കുന്ന ഭൂമിയും 

അടിക്കടി ഉയരുന്ന ജലനിരപ്പും

അകലങ്ങള്‍ താണ്ടി എത്തുന്ന

വെറും വാര്‍ത്ത മാത്രമാവുന്നില്ല; 

നിന്നിലെന്ന പോലെ എന്നിലുമവ 

ആധിയുടെ തീ നിറക്കുന്നു!

 

ജീവനുവേണ്ടി പൊരുതുന്നവരേ, 

കാതങ്ങളിപ്പുറമിരുന്ന്   ഒരു മനസ്സ്

നിങ്ങളോട് ചേരുന്നുണ്ട്.

നിയമവും ഭരണവും കണ്‍തുറന്നെന്ന്

കേട്ടുണരാനാണിപ്പോള്‍ ഓരോ ഉറക്കവും!