വളപ്പൊട്ടുകള്‍

ആ വഴി  ഇപ്പോഴും നടക്കാറുണ്ട്  

ഹൃദയം വേഗത്തില്‍ മിടിക്കാറുണ്ട്

മിഴികള്‍ നിന്നെ പരതാറുണ്ട് 

ചൂളം വിളിക്ക് ചെവിയോര്‍ക്കാറുണ്ട്  

ആ കത്ത് ഞാനിപ്പോഴും വായിക്കാറുണ്ട് 

വാക്കുകള്‍ക്കിടയില്‍ നീ തെളിയാറുണ്ട്

നീ തന്ന പനിനീര്‍പ്പൂവ് കരിഞ്ഞിട്ടുണ്ട്

എങ്കിലും  ഞാനത് മണത്താറുണ്ട്

അമ്പലപ്പറമ്പില്‍ ഒറ്റയ്ക്ക് പോവാറുണ്ട് 

ഒരുമിച്ച് പോയത്   ഓര്‍ക്കാറുണ്ട്

ആല്‍മരം  നിന്നെ തിരക്കാറുണ്ട്

നീ കൂടെ വേണമെന്ന് കൊതിക്കാറുണ്ട്  

കുപ്പിവളകള്‍ കണ്ണ് നിറക്കാറുണ്ട്

ആ വളപ്പൊട്ടുകള്‍ ഭദ്രമായ്‌ കയ്യിലുണ്ട്

അവയിടക്കിടെ നെഞ്ചില്‍ തറഞ്ഞു കയറാറുമുണ്ട്